Skip to content

Een richtig feine Dach

August 6, 2016

Lang har he al dorvun schnackt, eenmol wull he noch mol na Bremerhoben , sik dat U Boot  2540 , Wilh. Bauer, ankieken.Jo, un denn keem dat ganz dösig to pass.

Dat disse Dag nu overs so`n richtig scheune Dag warn schull, kunn`n de beiden noch nich weten.

Sin Enkel har sik een por Dage Urlaub nom, reep emm an un sä. „Opa, sollen wir jetzt mal nach Bremerhaven fahren. Du wolltest doch schon immer mal dorthin“ (he kann noch keen Platt schnacken, versteiht overs al een ganze Deel.)

„Jo „, sä de Ool, „denn laat uns man af stee.“

Mondagmorgen Klock 8 schullt losgahn un so weer dat denn ok.

De Fohrt na Bremerhabn duerte so bummeli dree Stünnen,mit Stückeeten ünnerwegns.

Jüss achter Alhorner Dreeck slog dat Wedder üm un dat fung an to reegen.Un dat bleev bi , de ganze Dag, so`n Schiit.

Jüs gegenöver de ole Haben weer een Parkhuus, wo se dat Auto afstelln kunnen.

Jo, un dor leeg dat Boot, lang un grau, de grote Torn mit de twee 2cm Flak vörn un achtern, de Sehrohre und Schnorchel un Antennen.U2540.050dito.

Un de Geruch vun Water , Schlick un Öl sticht de Ool in`ne Näs.“Dat rükt as fröher bi`t Huus an`ne Haben“ säh he to de Jung „ so richti hemeli!“

Se kunnen dat nu nich mehr avtöben, dat se op dat Boot kemm`n den.

De Ingang is dor , wo de Bugtorpedoruum mit de söß Rohre is.Twee ole Frunslüüd seten dor, kasseerten de Intritt un verkoopen ok Böker mit de Geschicht vun dat U – Boot.“ Tweemol „ sä de Ool, „een för mi un een de Jung hier“.De Frunslüüd keken dösig ut de Oogen, vun wegen „ Jung“ 1,90m grot un een Kant vun een Kerl, un lachten denn .

Nu nehm se dat Boot ganz in Anspruch, so veel gev dat to kiiken un de Ool, de sik all so veele Johrn mit de U-Boot Geschicht befoten deit, kreeg orndli Göshuut op de Arms.He kunn sik so richti rindenken, seeg de Lüüd in Gedanken dörch dat Boot jumpen, hört Befehle ropen un de Maschin`n loopen, fehlt blos noch de Bewegung , as op See.

Man , hier in dat XXI ger Boot hemm 57 Mann vun de Besatzung levvt, in düsse Enge.Dorbi weer hier veel mehr Platz as op de VII C  Boote, dor weern meis ok blos 45 Mann Besatzung.

Jo, un veel is umbuut worn. Vun de 6 Torpedorohre sin blos noch 4 dor.Bugtorpedoraum U 2540 Twee V 12 Zylinder Diesel  MB 600 PS , stohn nu dor , wo in Original de groten 6 Zylinder MAN Diesel mit 2000PS stunnen.Dieselraum U 2540

Diesel-elektrischer Antrieb heet dat vundag.De twee Diesel vun U 995.Dorvun stunnen ok twee vör de Umbu in U 2540.IMG_0001

0.

De „Zentrale „seeg ok anners u top de VII C  Boote ( U 995 in Laboe).Tiefenruderstand ähnlich, blos keen Röd mehr, eher sun Art Fohrradlenker oder Stüerhorn Tiefenruderstand U 2540, as bi de Cessna 154.De „ Papenberg“ un de Deepenanwiiser sünd jümmers noch twischen de beiden Tiefenruder.Overs ok dat Hauptruder, mit al de Amaturen, is nu in`ne Zentrale, wat bi de VII C Boote in`nne Torn weer.

Tiefenruderstand im VII C Boot U 995.Ich als TiefenrudergängerDe Ol an,t Rad, dat weer 2005.U2540.032

 

E – Maschinenstüüerstand , grön – Stüüerbord , rot Backbord is Ergebnis vun de Umbuu.U2540.030

De Ol an Stüerbord E-Maschinenstand.

 

De Logis stöten emm ok suer op, veel to „luxoriös“.Also nich mehr „ ORIGINAL“ Naja, kost jo ok,n barg Geld.

E-Maschin.

2x 2500 PS, Ünnerwatergeschw. 17,5 Ktn.

Sowat nennt sik Vulkangetriebe, boben de E Maschin, nern dat Schwungrad op de Well. Vulkangestriebe U 2540De Diesel drieben blos de Generatoren  an. Fröher lepen se ok op de Well.

Dat is de Luftfilter op de Luftansaugschacht för de Diesel.Luftansaug- und Filter für Diesel U 2540 De Luft kummt ut de Trichter doröver ut de Schnorchel, de bi disse Typ XXI in Torn sit. Bi de Typ VII C weer de butenbords und wur hochklappt.(Querschnitt dörch de Torn)Rechts vun de Sehrohre de Schnorchel.

 

Na bummeli dree Stünn harn se dat Mehrste sehn. Nu schull dat in dat Schifffahrtsmuseum gahn. Jo, overs nu rumorte dat in,ne Maag vun de beiden. In,ne Wech na dat Museum leeg de „Seute Deern“ Een ole Windjammer.Seute Deern Bremerhaven

Dor stunn an,ne Kant een lütt Kassen mit een Spieskort bin. Ha, hier gev dat wat to eeten und drinken.Dat keem nu jüs richti.

Nu gung dat an Bord und de Trepp daal in,ne Gaststuuf. De weer in de Ruum inbuut.

De Bedeenung keem und se bestellten ersmol,n Beer. Becksbeer vun,t Fatt, sowat feines gev dat dor.

Jo, und to eeten?. Klor Fisch, wat sunst.

Kabeljaufilet mit Bratkantüffeln, Speegelei op und Porrn. Dat Eeten kem und de Beiden kreegen grote Oogen.Een Riesenplatte mir dree grote Filets, dree Eier op een grote Dutt Bratkantüffeln und dat för Jeden.Ob de sehn harn, wat se förn grote Hunger harn. Jo, und dat har jo wull mächti schmeckt, weer nich veel överbleben.

 Nu röver in,t Museum.

Dor seeten ok wedder twee Frunslüd to kasseern. “tweemol” sä de Ol. “De is jo noch jung”sä de Fru” de geiht so mit rin”

 Dor gev dat soveel to kieken vun Seefohrt, vun Walfang und allns, wat mit de Seefohrt to don har.An,ne Enn weern se al ganz rammdösig vun al dat kieken.

De Jung as Harpunier.Marco als Harpunier

Nu wur dat ok Tiid und kom,n in,t Hotel to anmeln.

Nu harn se ok Dörst und schulln ok wat to Oombrot hemm. Se frogten an,ne Rezepschon und de wiisten se na de Autoverladungshaben, dor gev  date en Kneipe, de naamte sik “Letzte Kneipe von New York“. Dat weer ok nich so wiit, sä de Deern achtern Thresen.

De Beiden marscheerten los und de Kneipe keem und keem nich in Sicht. För de Ol, de nich mehr so good to Foot weer, wur de Wech jümmers länger. „To Foot goh ick hier nich mehr torüch“meent he.

Na bummeli dree Kilometer keem de Kneipe endli in Sicht.IMG_2616

So, nu ersmol,n Beer. Haake Beck gev dat dor frisch tabbt vun,t Fatt. Ha, dor har de Ol vör meis sösdich Johr mol arbeit und he freute sik op dat Beer, „Heff ick mi nu ok verdeent“ meent he.

Jo, dat wur nu denn ok een lange , feuchte Abend………………..nah so een meis perfekte Dach.

 

 

 

 

Advertisements
3 Kommentare
  1. wünsche eine gute Woche

  2. Das hat Spaß gemacht, schönen Samstag für dich

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s

%d Bloggern gefällt das: